اقپارات

مۇقا بەت - اقپارات - بەكبولات تىلەۋحان: «الماس قىلىش» كورەرمەندەردىڭ كوزىنە جاس ءۇيىردى

بەكبولات تىلەۋحان: «الماس قىلىش» كورەرمەندەردىڭ كوزىنە جاس ءۇيىردى

BOZDAKH

20170106112820

كەشەدەن باستاپ «قازاق ەلى» جوباسىنىڭ العاشقى فيلمى - «الماس قىلىش» كينوپروكاتقا شىقتى.

العاشقى كۇننەن- اق كوپتەن كۇتكەن فيلمدى كورۋگە اسىققان جۇرتتىڭ قاتارى مول بولدى.

استاناداعى كينوتەاترلاردىڭ بىرىنە كارتينانى تاماشالاۋعا كەلگەن ق ر پارلامەنتى ءماجىلىسىنىڭ دەپۋتاتى، ءارى وسى فيلمدە قازتۋعان جىراۋدىڭ ءرولىن سومداعان بەلگىلى قوعام قايراتكەرى بەكبولات تىلەۋحاننىڭ پىكىرىن بىلگەن ەدىك.

 «بۇل - مەملەكەتتىك تاپسىرىسپەن تۇسىرىلگەن كينو ەكەنىن بىلەسىزدەر. شىعارما كوزدەگەن ماقساتىنا جەتتى دەپ ويلايمىن. «ونەردىڭ ىشىندە ەڭ ماڭىزدىسى - كينو» دەمەكشى، اقپارات اعىنى كوپ بۇگىنگى تاڭدا، ادام كوپ نارسەنى كىتاپتان ەمەس - ەكراننان قابىلدايدى. وسى تۇرعىدان ۇرپاققا تاريحي سانانى ءسىڭىرۋدىڭ ءبىر جولى - وسىنداي كينولار. تاريحقا جەتتىك بولماي مەملەكەتتىك سانا قالىپتاسپايدى. وزدەرىڭىز كورگەندەي، كورەرمەننىڭ ىقىلاسى ەرەكشە بولدى. قانىڭدى تاسىتىپ، رۋحىڭدى وياتاتىن ەپيزودتار جۇرتتى ءبىر سەرپىلتىپ تاستادى. زالدان كوزىنە جاس الىپ شىعىپ بارا جاتقان كىسىلەردى كورىپ، كوڭىل تولقىدى. مۇندا رەجيسسەردىڭ شەبەرلىگىن ايتا كەتۋ كەرەك. وتكەن تاريحىمىزدى كوز الدىعا اكەلدى. وسى ارقىلى جاستار قازاق تۇلعالارىنىڭ ەسىمدەرىمەن قانىقتى. ەلدىگىمىزدى اسقاقتاتاتىن تۋىندىلار كوپ بولسىن» ، - دەيدى بەكبولات تىلەۋحان.

ايتا كەتەيىك، تاريحي جوبانىڭ اۆتورى - ق ر پرەزيدەنتى ن. نازاربايەۆ. فيلم ق ر مادەنيەت جانە سپورت مينيسترلىگىنىڭ تاپسىرىسى بويىنشا ش. ايمانوۆ اتىنداعى «قازاقفيلم» اق- دا «Centaurus Rustem Abdrashev production» جشس- ءنىڭ قاتىسۋىمەن تۇسىرىلگەن.

 فيلم سەناريىن جازعان - سماعۇل ەلۋباي. وندا ءىلياس ەسەنبەرليننىڭ «الماس قىلىش» رومانى نەگىزگە الىندى. رەجيسسەر رۇستەم ابدىراشيەۆتىڭ ايتۋىنشا، «الماس قىلىشتى» تۇسىرۋگە ەكى جىل ۋاقىت كەتكەن.

ونى ءتۇسىرۋ جۇمىستارىنا مىڭداعان ادام تارتىلعان. كارتينانىڭ ءتۇپنۇسقاسى تولىعىمەن قازاق تىلىندە، اراسىندا جوڭعار تىلىندە جانە سولتۇستىك موڭعول ديالەكتىسى بار. پروكاتقا ورىس ءتىلدى نۇسقاسى دا ازىرلەندى.

slide-5 69c9a9d196f46e0bd31304696db75c24_xl slide-11 slide-3

(2)

بۇل جازبانى BOZDAKH.NET اۆتور:bozdakh جاريالاعان، كوشىرسەڭىز كەلۋ قاينارىن ەسكەرتىڭىز!

BOZDAKH

قىزعىندى جازبا

لەبىز قالدىرۋ