تۇلعا

مۇقا بەت - تۇلعا - «قۇنانباي» فيلمىنىڭ اۆتورلارى مەملەكەتتىك سيلىققا يە بولدى

«قۇنانباي» فيلمىنىڭ اۆتورلارى مەملەكەتتىك سيلىققا يە بولدى

img0082jpg_1839857_24259258

ەلباسى نۇرسۇلتان نازارباەۆتىڭ جارلىعىمەن  قازاقستان رەسپۋبليكاسىنىڭ 2016 جىلعى ادەبيەت پەن ونەر سالاسىنداعى مەملەكەتتىك سىيلىققا قازاقتىڭ ۇلى ويشىلى ابايدىڭ اكەسى – قۇنانباي وسكەنبايۇلى  تۋرالى تۇسىرىلگەن «قۇنانباي» ءفيلمىنىڭ شىعارماشىلىق توبى لايىق دەپ تانىلدى.    جارلىققا سايكەس، ءفيلمنىڭ رەجيسسەرى جانە ستسەناريي اۆتورلارىنىڭ ءبىرى – دوسحان جولجاقسىنوۆ، قويۋشى-سۋرەتشىسى – رۋستام وديناەۆ، جانە اكتەرلەر – ايدوس بەكتەمىر مەن نۇرسيفات سالىقوۆا مەملەكەتتىك سىيلىقتىڭ يەگەرلەرى اتاندى. - ەل تاۋەلسىزدىگىنىڭ 25 جىلدىعى قارساڭىندا ەڭبەگىمىزدىڭ باعالانىپ جاتقانى قۋانتارلىق جاعداي. بۇل تەك قانا مەنىڭ ەمەس، بۇكىل ءتۇسىرۋ توبىنىڭ جەمىسى. وسى ورايدا، قازاقستان كينەماتوگرافيستەر وداعىنىڭ مۇشەلەرىنە، «قازاقفيلم» كينوستۋديياسىنىڭ قىزمەتكەرلەرىنە، وسى فيلمگە قولداۋ كورسەتكەن بارلىق ازاماتتارعا باسىمدى ءيىپ، راحمەتىمدى ايتامىن، - دەدى رەجيسسەر. وسىعان دەيىن  1996 جىلى دوسحان جولجاقسىنوۆ «ىندەت» قويىلىمىندا سومداعان ءرولى ءۇشىن تۇڭعىش مەملەكەتتىك سىيلىقتى يەلەنگەن بولاتىن.     سونداي-اق، پرەمييا «ماڭگىلىك ەل» مونۋمەنتى ءۇشىن يمانعالي تاسماعامبەتوۆكە، ساعىندىق  جامبولاتوۆقا، مۇرات مانسۇروۆقا، نۇرلان دالبايعا; ء«اي، دۇنيە-اي!» رومانى ءۇشىن جازۋشى بەكسۇلتان نۇرجەكەەۆكە; قازاقستان رەسپۋبليكاسىنىڭ 25 جىلدىق مەرەيتويىنا ارنالعان «تاۋەلسىزدىككە تارتۋ» اتتى تسيكلدى جۇمىسى ءۇشىن سۋرەتشى كاميل مۋللاشەۆقا بەرىلىپ وتىر.   «قازاقستان رەسپۋبليكاسىنىڭ 2016 جىلعى ادەبيەت پەن ونەر سالاسىنداعى مەملەكەتتىك سىيلىعىن بەرۋ تۋرالى» جارلىق ەلباسى اكىمشىلىگىنىڭ رەسمي سايتىندا جارييالانعان. بۇل جارلىق رەسمي جارييا ەتىلگەن كۇنىنەن باستاپ قولدانىسقا ەنگىزىلەدى. قر ادەبيەت پەن ونەر سالاسىنداعى مەملەكەتتىك سىيلىق ادەبيەت جانە ونەر قايراتكەرلەرى ءۇشىن قوعام مەن مەملەكەت الدىنداعى ەڭ جوعارعى ماراپات بولىپ سانالادى. مەملەكەتتىك سىيلىق قر ازاماتتارىنا ەكى جىلدا ءبىر رەت وتاندىق مادەنيەتتىڭ دامۋىنا ۇلەس قوسقانى ءۇشىن ونەر جانە ادەبيەت ادامدارىنا بەرىلەدى.

(0)

بۇل جازبانى BOZDAKH.NET اۆتور:bozdakh جاريالاعان، كوشىرسەڭىز كەلۋ قاينارىن ەسكەرتىڭىز!

BOZDAKH

قىزعىندى جازبا

لەبىز قالدىرۋ