اقپارات

مۇقا بەت - اقپارات - اقان ساتايەۆتىڭ «حاكەر» فيلمى 2 جەلتوقساننان باستاپ كورسەتىلەدى (ۆيدەو)

اقان ساتايەۆتىڭ «حاكەر» فيلمى 2 جەلتوقساننان باستاپ كورسەتىلەدى (ۆيدەو)

BOZDAKH

cgqg2fy_95eaw7j3aad4jkyhvc4542

رەجيسسەر اقان ساتايەۆتىڭ «حاكەر» ءفيلمى اقش پەن كانادادا 2 جەلتوقساندا پروكاتقا شىعادى. بۇل تۋرالى Tengrinews.kz تىلشىسىنە كارتينانىڭ پروديۋسەرى سانجار سۇلتانوۆ حابارلاعان. «حاكەر» (Anonymous) ءفيلمىنىڭ ديستريبيۋتورى – Sony Picture حالىقارالىق كومپانياسى. كينوكارتينا قاڭتار مەن ناۋرىز ايلارىنىڭ ارالىعىندا ۇلىبريتانيا، فرانتسيا، يتاليا، اۆستراليا جانە لاتىن امەريكا ەلدەرىندە شىعادى ەكەن. پروديۋسەردىڭ ايتۋىنشا، كومپانيامەن كەلىسسوزدەر جارتى جىل بويى جۇرگىزىلىپ، كەلىسىمگە قول قويىلعان. ەندى وسى ەلدەردەگى كورەرمەندەر رەجيسسەر اقان ساتايەۆتىڭ كارتيناسىن تاماشالاي الادى. ال قازاقستاندىق كينوتەاترلاردا ءفيلمدى 1 جەلتوقساننان باستاپ كورۋگە بولادى. كارتينا قازاقستاندا ءبىر رەت كورسەتىلگەن. فيلم 2015 جىلى «ەۋرازيا» حالىقارالىق كينوفەستيۆالىنىڭ شىمىلدىعىن اشتى. اقان ساتايەۆ سۇحباتتارىندا ءوز كارتيناسىن قازاقستاندىقتارعا كورسەتكىسى كەلەتىنىن، ءبىراق كارتينانىڭ جارىققا شىعۋ پروتسەسىنىڭ 2 جىلعا سوزىلىپ كەتكەنىن بىرنەشە مارتە ايتقان بولاتىن. «حاكەر» - اقان ساتايەۆتىڭ شەتەلدىك كورەرمەنگە ارنالعان تۇڭعىش ءفيلمى. ءفيلمنىڭ ءتۇسىرىلىم جۇمىستارى تورونتودا، نيۋ-يوركتە، گونكونگتا جانە بانگكوكتە 2014 جىلى وتكەن بولاتىن. باستى رولدەردە امەريكالىق اكتەرلەر كاللەن ماكوليفف جانە لوررەين نيكولسون (جەك نيكولسوننىڭ قىزى) وينايدى. تيمۋر جاقسىلىقوۆ پەن سانجار سۇلتانوۆ جازعان ستسەنارييدە كرەديت كارتالارى ارقىلى الاياقتىق جولمەن اقشا تاپقان حاكەردىڭ ءومىرى تۋرالى باياندالادى.

(1)

بۇل جازبانى BOZDAKH.NET اۆتور:bozdakh جاريالاعان، كوشىرسەڭىز كەلۋ قاينارىن ەسكەرتىڭىز!

BOZDAKH

قىزعىندى جازبا

لەبىز قالدىرۋ